Sveitarstjórn - 260

Haldinn í stjórnsýsluhúsinu Innrimel 3,
27.03.2018 og hófst hann kl. 16:00

Fundinn sátu: Björgvin Helgason oddviti,
Arnheiður Hjörleifsdóttir varaoddviti,
Hjördís Stefánsdóttir ritari,
Jónella Sigurjónsdóttir vararitari,
Stefán Ármannsson aðalmaður,
Daníel A. Ottesen aðalmaður,
Brynja Þorbjörnsdóttir aðalmaður,

Fundargerð ritaði: Skúli Þórðarson, sveitarstjóri

Björgvin Helgason oddviti bauð fundarmenn velkomna og setti fund skv. framlagðri dagskrá.

Upptaka fellur niður vegna bilunar í tæknibúnaði.

Dagskrá:

Fundargerðir nefnda sveitarfélagsins

1. 1803001F - Sveitarstjórn - 259

Fundargerð framlögð.

2. 1803003F - Umhverfis- skipulags- og náttúruverndarnefnd - 85

Fundargerð framlögð.
AH fór yfir fundargerð nefndarinnar.

2.1. 1803010 - Ályktanir aðalfundar Umhverfisvaktarinnar við Hvalfjörð 2018.

Frá Umhverfisvaktinni við Hvalfjörð.
Ályktanir framlagðar.
Sveitarstjórn samþykkir að vísa ályktununum til USN- nefndar.
BÞ tók til máls og lýsti yfir stuðningi við ályktanir umhverfisvaktarinnar, sérstaklega varðandi breytingu á skipulagi iðnaðarlóðar Silicor Materials.

Oddviti bar upp tillögu USN-nefndar og var hún felld með 4 atkvæðum BH, DO, SGÁ og HS gegn 3 atkvæðum AH, JS og BÞ.
JS lagði fram eftirfarandi bókun:
"Ég tek undir með Umhverfisvaktinni við Hvalfjörð og meirihluta USN nefndar varðandi skipulagsmál við Grundartanga. Árið 2014 var mjög stórri lóð breytt úr athafnasvæði í iðnaðarsvæði fyrir Silicor Materials. Þetta var gert að vandlega athugðu máli, m.a. með tilliti til umhverfisáhrifa viðkomandi verksmiðju. Mér finnst ábyrgðarhluti að skilja þessa stóru lóð eftir sem iðnaðarsvæði og þykir mér mikilvægt að lóðinni verði aftur breytt í athafnasvæði."
HS, BH, DO og SGÁ lögðu áherslu á að þetta mál verði tekið til sérstakrar athugunar í tengslum við heildarendurskoðun Aðalskipulags Hvalfjarðarsveitar sem framundan er.

Meirihluti USN nefndar tekur undir ályktun Umhverfisvaktarinnar við Hvalfjörð varðandi skipulagsmál við Grundartanga og beinir því til sveitarstjórnar að farið verði í að breyta aðalskipulagi Hvalfjarðarsveitar og endurskilgreina það iðnaðarsvæði sem skilgreint var sem slíkt vegna fyrirhugaðrar byggingar verksmiðju Silicor Materials í athafnasvæði, eins og áður var.
USN nefnd felur sveitarstjóra að ræða við Faxaflóahafnir um slíka breytingu.
Samþykkt með atkvæðum AH, ÁH og SAS.

2.7. 1803016 - Styrktarsjóður EBÍ 2018.

Frá Eignarhaldsfélaginu Brunabótafélagi Íslands
Erindið framlagt í sveitarstjórn 12. mars 2018.
Samþykkt að vísa erindinu til skoðunar hjá nefndum.
Nefndir skili tillögum til sveitarstjórnar um möguleg umsóknarverkefni fyrir 9. apríl nk.

Oddviti lagði til að afgreiðslu verði frestað til næsta fundar og var það samþykkt samhljóða.

USN nefnd beinir því til sveitarstjórnar að sótt verði um styrk í samráði við Skógræktarfélag Skilmannahrepps í tengslum við fræðsluverkefni og vegna afmælisárs félagsins.

2.8. 1702030 - Umhverfisstefna Hvalfjarðarsveitar

Oddviti lagði til að afgreiðslu verði frestað til næsta fundar og var það samþykkt samhljóða.

USN nefnd samþykkir drög að umhverfisstefnu Hvalfjarðarsveitar og vísar þeim til sveitarstjórnar.

2.13. 1803004 - Aðalskipulag Reykjavíkur 2010-2030 - iðnaður og önnur landfrek starfsemi.

Lögð fram verklýsing umhverfis- og skipulagssviðs dags febrúar 2018 vegna breytinga á Aðalskipulagi Reykjavíkur 2010-2030. Í breytingunni felst að endurmeta stefnu um einstök atvinnusvæði í ljósi nýrrar stöðu og á grundvelli heildstæðrar greiningar á iðnaðar- og athafnasvæðum á höfuðborgarsvæðinu öllu.

Sveitarstjórn Hvalfjarðarsveitar gerir ekki athugasemdir við skipulagstillöguna.

Lagt fram og vísað til sveitarstjórnar.

2.14. 1803005 - Aðalskipulag Reykjavíkur 2010-2030, breytt afmörkun landnotkunar

Lögð fram verklýsing umhverfis- og skipulagssviðs dags 7. febrúar 2018 vegna breytinga á Aðalskipulagi Reykjavíkur 2010-2030. Í breytingunni felst breytt afmörkun landnotkunar fyrir samfélagsstofnanir og fleiri sambærilegar lagfæringar.

Sveitarstjórn Hvalfjarðarsveitar gerir ekki athugasemdir við skipulagstillöguna.

Lagt fram og vísað til sveitarstjórnar.

2.17. 1803024 - Skorradalshreppur, breyting á deiliskipulagi, Kaldárkot

Skorradalshreppur - til kynningar, breyting á deiliskipulagi, Kaldárkot.
Breytingin felur meðal annars í sér að skipulagssvæðið stækkar og lóðum fjölgar um eina.

Sveitarstjórn Hvalfjarðarsveitar gerir ekki athugasemdir við skipulagstillöguna.

Lagt fram.

3. 1803035 - Fundur kjörstjórnar 21. mars 2018.

Fundargerð framlögð.
Sveitarstjórn samþykkir að fela sveitarstjóra að fara yfir launakjör kjörstjórnar og starfsmanna.

Fundargerð 2018-03-21 kjörstjórn undirbúningur.pdf

Mál til afgreiðslu

4. 1803019 - Ársreikningur Hvalfjarðarsveitar 2017.

Síðari umræða. Endurskoðunarskýrsla 2017.

Ársreikningur vegna ársins 2017 lagður fram til síðari umræðu.
Rekstrartekjur sveitarfélagsins á árinu 2017 námu 787,1 millj. kr. samkvæmt ársreikningi fyrir A og B hluta, en þar af námu rekstrartekjur A hluta 779,4 millj. kr. Rekstrarniðurstaða sveitarfélagsins samkvæmt ársreikningi A og B hluta var jákvæð um 67,5 millj. kr. Fræðslu- og uppeldismál er sá málaflokkur sem tekur til sín mesta fjármuni í rekstri sveitarfélagsins, alls kr. 416 millj. eða 55,2% af skatttekjum. Veltufé frá rekstri er 14,4% og veltufjárhlutfall 1,52%.
Eigið fé sveitarfélagsins í árslok 2017 nam 2.133 millj. kr. samkvæmt efnahagsreikningi.
Ársreikningurinn borinn undir atkvæði og var hann samþykktur með 7 atkvæðum.

5. 1803036 - Tillaga um breytingu á Samþykkt um stjórn Hvalfjarðarsveitar nr. 554/2013.

Frá sveitarstjóra.

Oddviti lagði til að afgreiðslu verði frestað til næsta fundar og var það samþykkt samhljóða.

6. 1803037 - Athugasemd vegna hagabeitar.

Frá Umhverfisvaktinni við Hvalfjörð.

Sveitarstjórn samþykkir að fela sveitarstjóra að koma ábendingunni til þar til bærra eftirlitsaðila.

Sveitarstjórn Hvalfjarðarsveitar 21.3.2018.pdf

Mál til kynningar

7. 1803006 - Frumvörp og þingsályktunartillögur til umsagnar 2018.

114. mál til umsagnar - frumvarp til laga um almenn hegningarlög (bann við umskurði drengja).
339. mál til umsagnar - frumvarp til laga um Þjóðskrá Íslands.
389. mál til umsagnar - frumvarp til laga um breytingu á ýmsum lögum á sviði samgöngu-, fjarskipta-, sveitarstjórnar-, og byggðamála.

Frumvörp lögð fram til kynningar.

Til umsagnar 339. mál frá nefndasviði Alþingis.pdf

Frá nefndasviði Alþingis - 114. mál til umsagnar.pdf

Til umsagnar 389. mál frá nefndasviði Alþingis.pdf

Aðrar fundargerðir

8. 1803032 - 166. fundur Faxaflóahafna og ársreikningur 2017.

Fundargerð lögð fram til kynningar.

SKMBT_C28018031608530.pdf

Faxaflóahafnir ársreikningur 2017 undirritaður.pdf

Önnur mál

9. 1502013 - Skýrsla sveitarstjóra.

Skúli Þórðarson flutti skýrslu sveitarstjóra.